31 01 2019

ՌԴ ԱԳՆ-ն՝ բանակցային գործընթացում Արցախը ներգրավելու մասին

ՌԴ ԱԳՆ-ն՝ բանակցային գործընթացում Արցախը ներգրավելու մասին

ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ անդրադարձել է  ԼՂ հիմնահարցի կարգավորմանը:

Այն դիտարկմանը, որ Հայաստանի և Ադրբեջանի արտգործնախարարների վերջին հանդիպումից հետո հայտարարվել էր, որ անհրաժեշտ է ժողովուրդներին պատրաստել խաղաղության, սակայն օրերս Ադրբեջանի նախագահ Իլհամ Ալիևը հայտարարել է, որ երկիրը շարունակում է հզորացնել բանակը, քանի որ գտնվում է  պատերազմական իրավիճակում, Մարիա Զախարովան արձագանքել է, որ այդ հարցը պետք է ուղղել ոչ ռուսական կողմին:

«Մենք մեր միջնորդական գործառույթը կատարում ենք բարեխղճորեն և, ինձ թվում է, որակով: Մենք ողջունում ենք Երևանի և Բաքվի միջև տարբեր մակարդակներով կայացած շփումները, մենք լսել ենք երկու երկրներում դրանց վերաբերյալ կառուցողական գնահատականները և կարծում ենք, որ դա առաջ գնալու ճիշտ ճանապարհ է»,- նշել է Զախարովաբ։

Անդրադառնալով բանակցություններում Արցախը ներգրավելու վերաբերյալ հարցին` Ռուսաստանի Դաշնության ԱԳՆ ներկայացուցիչն ասել է, որ ՌԴ-ի դիրքորոշումը մնացել է անփոփոխ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ