Նոր ռուսական սպառազինությունն աշխարհում նմանը չունի. ՌԴ նախագահ

ՌԴ նախագահ Վլադիմիր Պուտինը  ՌԴ ՊՆ ամփոփիչ կոլեգիայի ժամանակ մանրամասներ է հայտնել ռուսական նոր սպառազինության մասին։ Նա նշել է, որ ռուսական նորագույն զենքը, որը կապահովի ՌԴ-ի անվտանգությունը ապագա 10 տարիներին, կստիպի մտածել նրանց, ովքեր սովոր են ռազմականացված հռետորաբանությանը: Այս մասին հայտնում է ТАСС-ը:

Նա հիշեցրել է  «Ավանգարդ» հրթիռային համալիրի արտադրության մասին, «Սարմատ»-ի հաջող փորձարկումը, «Պերեսվետ» լազերային համալիրների գործնական կիրառման մշակումը:

Ըստ Պուտինի` այդ զինատեսակները,  անխոս, կապահովեն ՌԴ-ի անվտանգությունը ապագա տասնամյակների ընթացքում:

Պուտինը նշել է, որ հայրենական ռազմական արդյունաբերության  համալիրում տեղ գտած նորույթները «ավելացրել են բանակի և նավատորմի ներուժը, դրանով իսկ մոտակա տասնամյակներում հուսալիորեն ու անվերապահ կերպով ապահովելով Ռուսաստանի անվտանգությունը»։ 

Նրա խոսքով՝ նորագույն զենքերը կամրապնդեն ուժերի հավասարակշռությունը և կնպաստեն աշխարհում կայունության հաստատմանը. «Հույս ունեմ, որ մեր նոր համակարգերը կստիպեն մտածել նրանց, ովքեր սովորել են ռազմատենչ եւ ագրեսիվ հռետորաբանությանը»,–շեշտել է Պուտինը։

Նա նշել է, որ նոր ռուսական սպառազինությունը աշխարհում նմանը չունի. «Նկատելիորեն ամրապնդվել է միջուկային տրիադան, որը գլոբալ հավասարակշտության պահպանման գործում կարեւոր դեր է խաղում»,–ասել է նախագահը։ Պուտինը շեշտել է, որ ժամանակից սպառազինության մասնաբաժինը այժմ կազմում է 82 տոկոս։