05 12 2018

Քաղաքական անգրագիտությունն արդարացման հիմք չէ. քաղաքագետ

Քաղաքական անգրագիտությունն արդարացման հիմք չէ. քաղաքագետ

Իմ Քայլը դաշինքում կան նորմալ և պարկեշտ մարդիկ։ Ինձ մի բան է հետաքրքրում, արդյոք  հասկանում եք, որ այն, ինչ կատարվում է, ու այն ինչ կատարվելու է, ու այն, ինչ Աստված չանի, կատարվի,  անհատապես պատասխանատու եք։ Նման գրառում է արել ֆեյսբուքյան իր էջում Ստեփան Դանիելյանը։

«Այնպես չի լինելու, որ ասեք, բա մենք ինչ կապ ունենք, մենք որոշում կայացնող չենք։ Օրենքների չիմացությունը և քաղաքական անգրագիտությունն արդարացման հիմք չեն հանդիսանում:

Դուք արդեն իսկ ձեզ վրա պատասխանատվություն եք վերցրել ու ընտրություններից հետո այդ պատասխանատվությունը շատ ավելի ծանր է լինելու։ Թիմային մտածելակերպից դուրս եկեք, լինում են իրավիճակներ, որ յուրաքանչյուրը պետք է պատասխանատվություն վերցնի իր վրա ու թիմի շահերը դառնում են երկրորդական՝ կոլեկտիվ պատասխանատվության, կամ կոլեկտիվ անպատասխանատվության սկզբունքը սկսում է չգործել։

Անօրինականության, անսկզբունքայնության, խոսքը դրժելու, արտաքին քաղաքականության մեջ ծանր վիճակում հայտնվելու համար դուք պետք է արտահայտվեք։ Դա է ձեր միակ հնարավորությունը, դարձեք ինքնուրույն սուբյեկտներ»,- գրել է Ստեփան Դանիելյանը։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ