Մոտակա տարիներին կմիանանք մեր Եվրոպային. Իվանիշվիլի

Վրաստանի իշխող «Վրացական երազանք-ժողովրդավարական Վրաստան» կուսակցության հիմնադիր-ղեկավար Բիձինա Իվանիշվիլին նախագահական ընտրությունների երկրորդ փուլի նախնական արդյունքների հրապարակումից հետո շնորհակալություն է հայտնել ընտրողներին` Սալոմե Զուրաբիշվիլիին աջակցելու համար. հայտնում է Спутник-Грузия-ն:

«Շնորհակալություն մեր հասարակությանը և թիմին, որը հաջող աշխատանք է կատարել: Մենք անպայման մեր երկիրը հաջողության ճանապարհին կդնենք ու մոտական մի քանի տարվա ընթացքում կմիանանք աշխարհի ամենազարգացած երկրների ընտանիքին՝ մեր Եվրոպային։ Մենք կանենք առավելագույնը, որպեսզի արդարացնենք այն, ինչ այսօր ստացել ենք»,- ասել է նա: