ՏԻՄ ընտրություններ․ որտեղ ով հաղթեց

Հայաստանի 4 քաղաքներում քաղաքապետ են ընտրել: Հոկտեմբերի 21-ին կայացած ՏԻՄ ընտրությունների նախնական արդյունքներով Հրազդանի քաղաքապետ է ընտրվել Սևակ Միքայելյանը՝ ԱԺ պատգամավոր, «Ելք» խմբակցության անդամ Սասուն Միքայելյանի որդին:

Արմավիրի քաղաքապետ է դարձել «Քաղաքացիական պայմանագիր» կուսակցությունը ներկայացնող թեկնածու Դավիթ Խուդաթյանը, այս մասին տեղեկացրել է Տարածքային կառավարման և զարգացման նախարարության աշխատակազմի վարչական վերահսկողության և համայնքային ծառայության հարցերով խորհրդական Սիփան Փաշինյանը:

Նա իր ֆեյսբուքյան էջում նաև տեղեկացրել է, որ Էջմիածնում քաղաքապետ է ընտրվել ՔՊ-ն ներկայացնող Դիանա Գասպարյանը, որը մինչ այժմ քաղաքապետի պաշտոնակատարն էր:

«Քաղաքացիական պայմանագիր» կուսակցությունը պարտվել է Կապան քաղաքում: Այստեղ ՔՊ-ի կողմից առաջադրված թեկնածու Նարեկ Բաբայանին հաղթել է անկուսակցական Գևորգ Փարսյանը:

Կոտայքի մարզի Սոլակ համայնքի ղեկավարի ժամանակավոր պաշտոնակատար, Քաղաքացիական պայմանագիր կուսակցության անդամ  Էդգար Խաչատրյանը 47 ձայնի առավելությամբ ընտրվել է համայնքի ղեկավար: Նախնական տվյալներով՝ 36-ամյա Էդգար Խաչատրյանը ստացել է 454 ձայն, անկուսակցական 36-ամյա Ռոման Դանիելյանը՝ 407, իսկ 52-ամյա Ռազմիկ Պետրոսյանը 383 ձայն:

Գեղարքունիքի մարզի Ներքին Գետաշեն համայնքում հաղթել է Հանրապետական թեկնածուն։ ԿԸՀ կայքից տեղեկանում ենք, որ ՀՀԿ֊ական Կամո Գեւորգյանը ստացել է 1652 ձայն և վերընտրվել։ Նշենք, որ Գեւորգյանը 2003թ.֊ից Ներքին Գետաշենի գյուղապետն է։

Լոռիում Վահագնի համայնքի ղեկավար է ընտրվել Սուրեն Կոստանդյանը՝ 299 ձայնով,

Արմավիրի Ծաղկունք համայնքի ղեկավար՝ Դավիթ Կարապետյանը՝ 409 ձայնով,

Կոտայքի Գեղաշենում հաղթել է Տիգրան  Հակոբյանը՝ 1338 ձայնով,

Արմավիրի Հայթաղում՝ Մերուժան Մուրադյանը՝ 567 ձայնով,

Նույն մարզի Գեղակերտում՝ Ցոլակ Հակոբյանը՝ 502 ձայնով, 

Տավուշի Լուսահովիտում՝ Գրիգոր Սարհատյանը՝ 97 ձայնով։