Հակոբ Ասլանյանը հեռացվեց ՔՊ կուսակցությունից

ՔՊ վարչության որոշմամբ Հակոբ Ասլանյանը հեռացվել է «Քաղաքացիական պայմանագիր» կուսակցությունից։ Այս մասին հայտնում են կուսակցությունից:

Հաստատվել են Կուսակցության անդամակցելու հայտ ներկայացրած քաղաքացիների դիմումները։ Քննարկվել են կարգապահական բնույթի հարցեր։

Հիշեցնենք, որ օրեր առաջ Հակոբ Ասլանյանը հայտարարություն տարածեց՝ նշելով, որ մեկ ամսով սառեցնում է իր անդամակցությունը ՔՊ խմբակցությանը, որի պատճառը Հովիկ Աղազարյանի հետ տեղի ունեցած զարգացումներն են: Դրանից ժամեր անց նա «մեղայական» հայտարարություն տարածեց իր ֆեյսբուքյան էջում՝ նշելով, որ էմոցիայի տակ է հայտարարություն արել, որ շարունակում է մնալ ՔՊ-ում: Սակայն դա նրան այլեւս չօգնեց, ՔՊ խմբակցությունը հենց նույն օրը նիստ արեց եւ նրան հեռացրեց խմբակցությունից: