Ասադը սկսել է կապեր փնտրել Թուրքիայի հետ Սիրիայում լարվածության ֆոնին

Սիրիայի նախագահ Բաշար ալ-Ասադը, երկրում տեղի ունեցող վերջին իրադարձությունների ֆոնին, սկսել է կապեր փնտրել Թուրքիայի հետ։

Ինչպես փոխանցում է ՏԱՍՍ-ը, այսպիսի հայտարարություն է արել Türkiye թերթը։

Հրատարակությունը, վկայակոչելով իր աղբյուրները, հայտնում է, որ Սիրիայի ղեկավարը 2 միջնորդի միջոցով բանակցությունների առաջարկ է ուղարկել թուրքական իշխանություններին։

«Մինչ այժմ Ասադը չի պատասխանել Թուրքիայի կողմից իրեն մեկնած ձեռքին»,- գրում է թերթը՝ հիշեցնելով Սիրիայի հետ հարաբերությունները կարգավորելու թուրքական իշխանությունների նախաձեռնությունների մասին։

Սիրիա հեռուստաընկերությունն ավելի վաղ հայտնել էր, որ Ասադը իբր հրահանգել է պատվիրակություն ուղարկել Անթալիա՝ թուրքական իշխանությունների հետ բանակցությունների համար։ Sözcü թերթը հերքել է այս տեղեկությունը՝ վկայակոչելով թուրքական հետախուզական ծառայությունների աղբյուրները։

Հիշեցնենք, որ սիրիական բանակը հայտարարել էր Հալեպից «զորքերի ժամանակավոր դուրսբերման» մասին՝ «ահաբեկիչների դեմ հակահարձակում նախապատրաստելու համար»:

Ռազմական կառույցը նշել էր, որ դուրսբերումը վերախմբավորման մաս է կազմում նախքան համալրման ժամանակումը՝ հակահարձակումն սկսելու համար:

Զինված ուժերը հավելել են, որ  Հալեպում և Իդլիբում ապստամբների հետ ծանր մարտերի ընթացքում տասնյակ զինվորներ են զոհվել կամ վիրավորվել։