Կառավարությունը հերթական պետական գույքը հանում է վաճառքի

Ներկայացված նախագծով առաջարկվում է Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին ամրացված քաղաք Երևան, Կենտրոն, Այասի փողոց 78/6  հասցեում գտնվող, 0.39 հեկտար մակերեսով հողամասը օտարել դասական աճուրդով:

ՀՀ կառավարության 15.04.2022թ. թիվ 496-Ա որոշմամբ սահմանվել է, որ ՀՀ պաշտպանության նախարարությանն ամրացված 71 անվանում անշարժ գույք, այդ թվում օտարման առաջարկվող գույքը, պետք է հետ  վերցվի նախարարությունից և ամրացվի Կոմիտեին, որն էլ յուրաքանչյուր անվանում գույքի օտարման կամ այլ նպատակով տնօրինելու վերաբերյալ պետք է Հայաստանի Հանրապետության կառավարություն ներկայացնի համապատասխան առաջարկություն։ Նախագծի ընդունումը բխում է նշված որոշման պահանջներից։

Գույքի շուկայական արժեքին մոտարկված կադաստրային արժեքը կազմում է 229 742 370 դրամ:

Աճուրդով օտարման ենթակա Գույքի վաճառքի նվազագույն գինը առաջարկվում է սահմանել՝ Գույքի շուկայական արժեքին մոտարկված կադաստրային արժեքի 100 տոկոսի չափով՝ 229 742 370 դրամ: