«Դիմադրության» շարժման կողմից բարձրաձայնված շեշտադրումները ձեռնտու չեն օրվա իշխանություններին և թուրք-ադրբեջանական կողմին․ Վարդևանյան

«Մեր նկատմամբ հակադարձումները  գալիս են օրվա իշխանության կողմից ՝ քաղաքական ռեպրեսիաներով  և թուրք-ադրբեջանական կողմից՝  սպառնալիքներով»,-այս մասին Yerevan.Today-ի հետ զրույցում ասաց «Հայաստան» դաշինքի անդամ , պատգամավոր Արամ Վարդևանյանը՝ մեկնաբանելով  Ադրբեջանի պետական անվտանգության ծառայության ղեկավարի խոսքը,  որ իրենք «վճռականորեն կկանխեն Հայաստանի ռևանշիստ ընդդիմադիրների Հայաստանի և Ադրբեջանի միջև հարաբերությունները կարգավորելու դեմ արվող գործողությունները»։

Նրա խոսքով  «Դիմադրության» շարժման կողմից բարձրաձայնված շեշտադրումները ձեռնտու չեն օրվա իշխանություններին և թուրք-ադրբեջանական կողմին։  

«Հենց այս կարճ ժամանակահատվածում  Թուրքիայի արտգործնախարարը մի քանի անգամ անդրադարձավ «Դիմադրության» շարժման գործողութուններին, իհարկե  ադրբեջանական հատուկ ծառայությունների հայտարարությունները նույնիսկ խոսում էին  «Դիմադրության» շարժման ներկայացուցիչներին կասեցնելու, վնասազերծելու մասին , բայց դա  որևէ ազդեցություն «Դիմադրության» շարժմանը չի ունենում»,-ասաց Արամ Վարդևանյանը։

Մանրամասն՝ տեսանյութում։