21 07 2022

Կառավարությունը 180 քաղաքացիների ազատեց զինվորական ծառայությունից

Կառավարությունը 180 քաղաքացիների ազատեց զինվորական ծառայությունից

Կառավարությունը հուլիսի 21-ի նիստում որոշեց Տիգրան Արայի Պետրոսյանին ազատել շարքային կազմի պարտադիր զինվորական ծառայությունից:

Որոշման հիմնավորման մեջ նշվում է, որ որոշման անհրաժեշտությունը պայմանավորված է նրա գիտական գործունեության ընթացքում ձեռք բերված գիտելիքների ընդլայնմանը և նոր գիտե¬լիք¬ների ստացմանն ու կիրառմանն ուղղված մտավոր ստեղծագործական գործունեությունը շարունակելու հնարավորության ընձեռնմանը:

26-ամյա Տիգրան Պետրոսյանը այս տարվա ապրիլին պաշտպանել է ատենախոսություն եւ նրան շնորհվել է ֆիզիկամաթեմատիկական գիտությունների թեկնածուի աստիճան։

Մեկ այլ որոշմամբ կառավարությունը Կրթության և գիտության բնագավառներում նշանակալի նվաճումներ ունեցող 180 քաղաքացիների տարբեր ժամկետներով տարկետում տվեց պարտադիր զինվորական ծառայությունից:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ