Այսօր ադրբեջանական զինված ուժերը նորից սկսել են մարտական գործողությունները. Արծրուն Հովհաննիսյան

Այսօր վաղ առավոտյան ադրբեջանական զինված ուժերը նորից սկսել են մարտական գործողությունները։ Մոսկվայում ձեռք բերված պայմանավորվածություններն Ադրբեջանը բացարձակ չի կատարել և չի էլ կատարելու։ Այս մասին ասուլիսին ասաց ՊՆ ներկայացուցիչ Արծրուն Հովհաննիսյանը։

«Ամբողջ օրվա ընթացքում Ադրբեջանի ռազմաօդային ուժերը թուրքական օդուժի պատսպարման, աջակցության, հետախուզական և կառավարման կետերի աջակցության տակ կիրառելով բազմատեսակ մարտական֊հարվածային ԱԹՍ֊ներ, կատարել են 36 մարտական թռիչք, որոնց ընթացքում հյուսիսային ուղղությամբ մեր ՀՕՊ ուժերին հաջողվել է խոցել 1 Սու֊25 գրոհիչ։ Ըստ Հովհաննիսյանը՝ գրոհիչը խոցվել է Քարվաճառի ուղղությամբ

Ադրբեջանի կողմից գերիների ու դիերի փոխանակման պահանջը չի կատարվում, քանի որ ընդունելով այդ պայմանները փոխանակումը պետք է իրականացվի միջազգային համապատասխան կառույցների երաշխավորությամբ, որոնք մտնելու են մարտական գործողությունների շրջան, ինչն Ադրբեջանը բացարձակապես չի ուզում կատարել, և չի ընդունում։

Անցնող ժամերի ընթացքում, ըստ Հովհաննիսյանի, խոցվել է հակառակորդի 3 ԱԹՍ, 1 ինքնաթիռ, 3 զրահատեխնիկա և մոտ 200 կենդանի ուժ»։