Տասնյակ նշանակում-ազատումներ՝ Հայաստանում

Հունիսի 15-ին Հայաստանում՝ կառավարության նիստին և վարչապետի որոշումներով, տասնյակ նշանակում-ազատումներ են կատարվել:

Այսպես

1. Աղվան Հովսեփյանն ազատվել է ՀՀ քննչական կոմիտեի նախագահի պաշտոնից:
2. Ավետիք Էլոյանը նշանակվել է քաղաքաշինության պետական կոմիտեի նախագահ: Հիշեցնենք, որ կառավարության՝ հունի 8-ի նիստում հարցն օրակարգից հանվեց, քանի որ ԱՄՆ-ում մշտական բնակություն հաստատած Էլոյանը դեռ չէր վերադարձել Հայաստան:
3. Էդգար Գևորգյանն ազատվեց ՀՀ ֆինանսների նախարարության աշխատակազմի ղեկավարի պաշտոնից:
4. Միքայել Մանուկյանը վերանշանակվել է բնապահպանության նախարարության անտառային կոմիտեի նախագահի պաշտոնում:
5. Սրբուհի Ղազարյանը նշանակվել է վարչապետի խորհրդական:
6. Սեդրակ Բարսեղյանն ազատվել է կառավարության աշխատակազմի պետաիրավական վարչության պետի պաշտոնակատարի պաշտոնից:
7. Գրիգոր Մուրադյանը նշանակվել է վարչապետի խորհրդական՝ հասարակական հիմունքներով:
8. Արման Բոշյանը նշանակվել է աշխատանքի և սոցիալական հարցերի նախարարության սոցիալական ապահովության ծառայության պետ:
9. Գևորգ Կոստանյանը հրաժարական է տվել ՄԻԵԴ-ում ՀՀ ներկայացուցչի պաշտոնից:
10. ՄԻԵԴ-ում ՀՀ ներկայացուցիչ է նշանակվել արդարադատության փոխնախարար Արտակ Ասատրյանը։