ՀՔԾ պետն ո՞վ է, որ ինչ-որ հատուկ վերաբերմունք ունենա իմ հանդեպ. Ալեքսանդր Ազարյան

ՀՀ Բարձրագույն դատական խորհրդում մեկնարկել է ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ կարգապահական գործի քննությունը։

«Ակնկալում եմ օբյեկտիվ քննություն, չեմ կարող ասել, թե ինչի հետ է կապված այս վարույթը։ Ինչ-որ խախտում, երևի թե, գտել են։ Մենք կփորձենք պաշտպանվել, պաշտպանվելու տեղ և հիմքեր ունենք», - ԲԴԽ շենքի բակում լրագրողների հետ զրույցում ասաց դատավոր Ազարյանը։

Հարցին՝ ՀՔԾ ղեկավարի կողմից անձնական վերաբերմունք տեսնո՞ւմ է, Ալեքսանդր Ազարյանը պատասխանեց.

«Հատուկ քննչական ծառայության պետն ո՞վ է, որ ինչ-որ հատուկ վերաբերմունք ունենա իմ հանդեպ, կամ՝ ոչ։ Կամ ես ինչո՞ւ պետք է կաշկանդված լինեմ իր վերաբերմունքով», - ասաց Ազարյանը։

Դատավոր Ազարյանի փաստաբան Տիգրան Աթանեսյանն էլ նշեց, որ պլանավորում են միջնորդել ԲԴԽ-ին՝ հրավիրել ՀՔԾ պետին և այդ հարցերի պատասխանն իրենից ստանալ։

Մանրամասն՝ տեսանյութում։