ՄԱԿ-ի հանձնակատարը կոչ է արել ազատել ռիսկային կալանավորներին

ՄԱԿ-ի Մարդու իրավունքների գերագույն հանձնակատար Միշել Բաչելեթը պետությունների իշխանություններին հորդորել է դիտարկել կորոնավիրուսով վարակվելու բարձր ռիսկի տակ գտնվողներին կալանքից ազատելու հնարավորությունը։ Այս մասին հայտնել է  France 24-ը։

Նա նշել է, որ իշխանությունները պետք է ուսումնասիրեն  COVID-19-ի նկատմամբ խոցելի անձանց ազատ արձակելու միջոցները։ Խոսքը վերաբերում է հատկապես տարեց և հիվանդություններ ունեցող կալանավորների, ինչպես նաեւ ռիսկի ցածր մակարդակն ունեցող իրավախախտների համար։

Բաչելեթը նշել է, որ բազմաթիվ երկրներում կալանքի վայրերը լցված են կալանավորներով, որտեղ հաճախ բացակայում եմ հիգիենան և առողջության պահպանման պայմանները։ ՄԱԿ-ի հանձնակատարը նաև նշել է, որ ֆիզիկական հեռավորությունն ու ինքնամեկուսացումն այդ պայմաններում գրեթե անհնարին են։

Բաչելեթը կոչ է արել կառավարություններին չմոռանալ ոչ միայն դատապարտյալներին, այլև փակ հոգեբուժական հաստատություններում, ծերանոցներում և մանկատներում ապրող մարդկանց։