03 03 2020

ՀՔԾ-ն չի կողմնորոշվում՝ ինչ անել մարտի 1-ի մասին նոր հաղորդման հետ․ Կոչուբաև

ՀՔԾ-ն չի կողմնորոշվում՝ ինչ անել մարտի 1-ի մասին նոր հաղորդման հետ․ Կոչուբաև

Փաստաբան Ալեքսանդր Կոչուբաևը գրում է․

«Դեռևս հունվարի 29-ին հանցագործության մասին հաղորդում էի ներկայացրել ՀՀ գլխավոր դատախազին, որը վերաբերում էր մարտի 1-ի իրադարձություններին։ Մասնավորապես՝ հիմնավոր թվացող փաստական տվյալներ էին ձեռք բերվել, որ մարտի 1-ի բախումները եղել են նախապես ուղղորդված սադրանքի արդյունք, որը կազմակերպել էր ՀՀ ԱԺ նախկին պատգամավորներից մեկը։ Նշված հաղորդումը դատախազությունը ուղարկել էր ՀՔԾ՝ մարտի 1-ի գործին կցելու և համատեղ ընթացք տալու նպատակով։ ՀՔԾ-ն շարունակական անգործություն է ցուցաբերում և որևէ տեսակի պատասխան չի տալիս հաղորդմանը, ավելին՝ ամսից ավել է անգամ ինձ չեն կանչել բացատրություններ տալու։

Տպավորություն է, որ ես և ՀՔԾ-ն տարբեր քրեական դատավարության օրենսգրքեր ենք կարդում։ Իմ կարդացած օրենսգրքում հաղորդումների վերաբերյալ դատավարական որոշումները ընդունվում են 10-օրյա ժամկետում, մինչդեռ ՀՔԾ-ի ունեցած օրենսգրքում նման կարգավորում չկա, հակառակ դեպքում ես կստանայի պատասխան։ Ընդ որում, ՀՔԾ-ն խուսափում է անգամ հաղորդման հիմքով քրեական գործ հարուցելը մերժելու մասին որոշում կայացնելուց, քանի որ նման որոշումը առերևույթ ոչ իրավաչափ է լինելու, քանի որ հիմքերը երկաթյա են»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ