Փորձ է արվում շրջանցել ՍԴ դիմելու պարտականությունը. Գոհար Մելոյան

«Սա Սահմանադրական դատարանի շուրջ ընթացող քաղաքական գործընթացների հերթական փուլն է, որ նախաձեռնվել է իշխող ուժի կողմից, մասնավորապես նախագծեր են ներկայացվել ԱԺ «Իմ քայլը» խմբակցության պատգամավորի կողմից։ Նախագծերն ակնհայտ հակասահմանադրական բնույթի են։ Նախագծերի նպատակն է իշխող ուժի կողմից Սահմանադրական դատարանի շուրջ արհեստական ստեղծված ճգնաժամը լուծելը: Սահմանադրական դատարանի դիրքորոշումը սահմանադրական փոփոխություների դեպքում պարտադիր պահանջ է և բխում է աշխարհում տեղի ունեցող իրավակիրառ պրակտիկայից: Դա Սահմանադրական դատարանի նախնական վերահսկողության կարևորագույն գործառույթի իրականացում է։ Մինչև փոփոխությունների իրականացումը ՍԴ-ն պետք է նախնական վերահսկողություն անի՝ արդյոք այդ փոփոխությունները հետագայում Սահմանադրությանը չեն հակասելու հետագա ավելի լուրջ խնդիրներից խուսափելու համար։ Պատկերացնում եք՝ ընդունվի հակասահմանադրական միջազգային ակտ, այդ դեպքում ներքին կոլիզիոն իրավիճակ է ստեղծվում, քանի որ մեր երկիրը պարտավորվածություն ունի նախապատվությունը տալ Սահմանադրությանը,սակայն խախտելու է իր միջազգային պարտավորվածություններ»,- փետրվարի 3-ին լրագրողների հետ հանդիպման ժամանակ ասաց սահմանադրագետ Գոհար Մելոյանը՝  մեկնաբանելով «Ազգային ժողովի կանոնակարգ» «Հանրաքվեի մասին սահմանադրական օրենք և ՍԴ մասին սահմանդրական օրենքներում փոփոխություններ և լրացումներ կատարելու մասին» օրենքի նախագիծը։

Մանրամասն՝ տեսանյութում: