29 08 2019

Գագիկ Խաչատրյանի կալանքի հարցի քննությունը հետաձգվեց

Գագիկ Խաչատրյանի կալանքի հարցի քննությունը հետաձգվեց

ՊԵԿ նախկին նախագահ Գագիկ Խաչատրյանի խափանման միջոցի հարցի քննությունը հետաձգվեց:  Այն կշարունակվի օգոստոսի 30–ին՝ ժամը 13:00–ին։ Այս մասին լրագրողների հետ զրույցում հաղորդեց Գագիկ Խաչատրյանի պաշտպան Երեմ Սարգսյանը՝ նշելով, որ ծավալուն քննություն է ընթանում։

Գագիկ Խաչատրյանը, պաշտպանի խոսքով, մասնակցել է դատական նիստին։

Հիշեցնենք, որ Գագիկ Խաչատրյանը մեղադրվում է պաշտոնեական դիրքի չարաշահման և առանձնապես խոշոր չափերի վատնման մեջ։

Հիշեցնենք, որ Ազգային անվտանգության ծառայությունը Գագիկ Խաչատրյանին և նրա եղբորորդուն՝ ՊԵԿ նախկին պաշտոնյա Կարեն Խաչատրյաններին ձերբակալել է օգոստոսի 27-ին: Նույն օրն առավոտյան խուզարկություններ են կատարվել նրանց պատկանող տարածքներում: Նրանց առաջադրված մեղադրանքն առնչվում է  Գագիկ Խաչատրանի` Ֆինանսների նախարար և ՊԵԿ նախագահ եղած ժամանակահատվածում կատարված ենթադրյալ հանցանքներին։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ