13 12 2018

Վերաքննիչը բեկանել է Վահագն Հարությունյանի կալանքի որոշումը

Վերաքննիչը բեկանել է Վահագն Հարությունյանի կալանքի որոշումը

Վերաքննիչ քրեական դատարանը բեկանել է Մարտի 1-ի քննչական խմբի նախկին ղեկավար Վահագն Հարությունյանի նկատմամբ առաջին ատյանի դատարանի կիրառած խափանման միջոցը։ Այս մասին հայտնեց նրա պաշտպան Միհրան Պողոսյանը։

Ըստ ՀՔԾ-ի՝ 2008 թվականի մարտի 1-ից 2-ն ընկած ժամանակահատվածում Երևանում տեղի ունեցած իրադարձությունների վերաբերյալ քրեական գործի նախաքննության ընթացքում պարզվել է, որ Վ. Հ.-ն, 2007-2011 թվականներին զբաղեցնելով ՀՀ հատուկ քննչական ծառայության հատկապես կարևոր գործերի ավագ քննիչի պաշտոնը, իր վարույթում առանձնապես ծանր հանցագործությունների վերաբերյալ քննվող քրեական գործով նախաքննության ընթացքում կազմակերպել է քննչական խմբի կազմում ընդգրկված առանձին քննիչների հետ և ոստիկանության ծառայողների, այդ թվում` փորձագետ Ա. Հ.-ի օժանդակությամբ միասնական դիտավորությամբ ապացույցներ կեղծելը:

Հարությունյանի նկատմամբ 2 ամսով կալանավորման որոշումն ընդունվել էր նոյեմբերի 2-ին։ Նա հետախուզման մեջ է և գտնվում է ՌԴ-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ