Խոշոր չափերով կաշառք՝ զորակոչիկին բժշկական կեղծ ախտորոշման համար

ՀՀ հակակոռուպցիոն կոմիտեից հայտնել են, որ «Հանրապետական շտապօգնության ծառայություն» ՓԲԸ տնօրեն Սահակ Հակոբյանին մեղադրանք է ներկայացվել կաշառք ստանալու համար:

Մեղադրանքը ներկայացվել է կոմիտեում քննվող վարույթի շրջանակում:

Ըստ մեղադրանքի՝ Հակոբյանը  զորակոչիկին բժշկական կեղծ ախտորոշման հիմքով պարտադիր ժամկետային զինվորական ծառայությունից ազատելու դիմաց առանձնապես խոշոր չափերով կաշառք է ստանացել:

Բացի տնօրենից՝ նույն վարույթի շրջանակում մեղադրյալի կարգավիճակ ունի ևս երեք անձ, որոնց նկատմամբ որպես խափանման միջոց է կիրառվել կալանքը: