Դասերը վերսկսելուց հետո Բեռլինի 41 դպրոցում համավարակի նոր դեպքեր են գրանցվել

Բեռլինում դասերը վերսկսելուց երկու շաբաթ հետո 41 դպրոց հայտնել է աշակերտների և ուսուցիչների շրջանում կորոնավիրուսի դեպքերի մասին, հայտնում է Berliner Zeitung-ը։

Ինչպես հաղորդվում է, հարյուրավոր աշակերտներ եւ ուսուցիչներ գտնվում են կարանտինի մեջ: Վարակվման դեպքեր են գրանցվել տարրական, միջնակարգ դպրոցներում եւ մասնագիտական ուսումնարաններում:

Դպրոցների աշխատանքի վերսկսումը լուրջ մտահոգություն է առաջացնում:

Բեռլինը Գերմանիայում առաջինն է բացել դպրոցների աշխատանքը ամառային արձակուրդներից հետո: Երեխաները պարտավորեն դիմակներ կրել միջանցքներում, ընդմիջման ժամանակ եւ դասարան մտնելիս, սակայն կարող են հանել դիմակները, երբ նստում են:

Որոշ քննադատներ ասում են, որ Բեռլինում միջոցները բավականին մեղմ են, եւ աշակերտներն ու ուսուցիչները պետք է դիմակներ կրեն:

Գերմանիայում կորոնավիրուսով վարակման դեպքերն աճում են հուլիսի վերջից: Ուրբաթ օրը հաղորդվել է վարակման նոր 1426 դեպքերի մասին: