Տանիք, ցանկապատ, սղոց, չժանգոտվող կեռիկ.․․ Ի՞նչ պետք է ունենա սպանդանոցը, ըստ կառավարության

Կառավարությունը սահմանել է սպանդանոցային կետ հասկացությունն ու նրա նվազագույն պահանջները։

Սպանդանոց` առանձին շինություն կամ շինությունների համալիր կամ շարժական կամ մոդուլային կամ մսի կամ սառցային կոմբինատ կամ կենդանական ծագման մթերք արտադրող, վերամշակող կազմակերպություն՝ հագեցած կենդանիների սպանդի և կենդանիների սպանդից գոյացած արտադրանքի առաջնային վերամշակման սարքավորումներով և անասնաբուժասանիտարական փորձաքննության իրականացման համար անհրաժեշտ պայմաններով՝ անասնաբուժասանիտարական պահանջներին համապատասխան։

Բնակավայրերում սպանդանոցային կետ․ փոքրաթիվ (5-7 գլուխ) կենդանիների ամենօրյա սպանդի համար նախատեսված շինություն, որը համապատասխանում է անասնաբուժասանիտարական պահանջներին։

Սպանդանոցային կետը պետք է ունենա․

1. բետոնապատ տարածք (ներառյալ նախասպանդային և կարանտինային տարածք).
2. թեքություն արյան և ջրի արտահոսքի կուտակման համար
3. տանիք.
4. ցանկապատ՝ ցանկապատված մետաղական ցանցով կամ թիթեղով
5. կենդանու զգայազրկման (շշմեցման) և սպանդի հավաքածու՝ կենդանու զգայազրկման սարք և կենդանիների շարժողական ակտիվությունը սահմանափակող սարքավորում (խեկ, խոզ)
6. սղոց՝ կրծոսկրը կտրող
7. դանակների հավաքածու
8. գործիքների մանրէազերծման սարք
9. լվացարան
10. ջրատաքացուցիչ
11. զննման սեղան՝ անասնաբուժասանիտարական փորձաքննություն անցկացնելու համար
12. տեխնոլոգիական սեղան
13. անասնաբուժասանիտարական փորձաքննության համար նախատեսված միջոցներ
14. ամբարձիչ՝ էլեկտրական
15. կախովի ուղի
16. չժանգոտվող կեռիկ
17. նախասպանդային կշեռքներ
18. կշեռք՝ մսեղիքի համար
19. ջրի տարա
20. ջրի պոմպ
21. սայլակ
22. տարա՝ մաքրող լուծույթների համար
23. տարաներ՝ արյան հավաքման, աղիների, կարմիր օրգանների, կաշվի, ստամոքսի
24. կենսաթափոնների հավաքման տարաներ
25. գոմաղբի հավաքման տարա
26. թափոնների համար նախատեսված տարաներ՝ կարծր, հերմետիկ կափարիչ ունեցող, դիմացկուն, արտահոսք չունեցող մեկանգամյա կամ բազմակի օգտագործման
27. հեղուկների հեռացման համակարգ՝ խողովակ, ընդունիչ տարողություն
28. լվացման և ախտահանման հնարավորություն
29. շարժական պոմպային ախտահանիչ՝ ցողարկող գործիքով
30. սանհանգույց:

Կառավարության որոշումն ամբողջությամբ՝ այստեղ։