12 02 2021

ԿԳՄՍ նախարարությունը դատապարտում է մշակութային վանդալիզմի ցանկացած դրսևորում

ԿԳՄՍ նախարարությունը դատապարտում է մշակութային վանդալիզմի ցանկացած դրսևորում

Երևանի Օղակաձև այգու Տերյան-Մոսկովյան փողոցների հատման վայրում գտնվող Ցեղասպանության և Հոլոքոստի զոհերի հիշատակին նվիրված հուշարձանը պղծվել է: Հուշարձանը խորհրդանշում է հայ և հրեա ժողովուրդների անցած տառապանքը և վերածնունդը։ Այս մասին տեղեկանում ենք ՀՀ ԿԳՄՍ նախարարության հասարակայնության հետ կապերի և տեղեկատվության վարչությունից։

ՀՀ կրթության, գիտության, մշակույթի և սպորտի նախարարությունը դատապարտում է  հուշարձանի պղծման ու մշակութային վանդալիզմի ցանկացած դրսևորում: Նախարարությունը Երևանի քաղաքապետարանի հետ միջոցներ է ձեռնարկում  քանդակի՝ նախկին վիճակը վերականգնելու ուղղությամբ։

Միևնույն ժամանակ մեր հայրենակիցներին կոչ ենք անում զերծ մնալ ցանկացած անհարկի շահարկումներից։

«Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենքի 7-րդ հոդվածի համաձայն՝ հուշարձանների պահպանության և օգտագործման բնագավառում արգելվում է քաղաքական, գաղափարախոսական, կրոնական, ռասսայական ու ազգային խտրականությունը:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ