25 07 2020

Հայտարարատու պաշտոնատար անձանց ցանկը կընդլայնվի․ «Ժողովուրդ»

«Ժողովուրդ» թերթը գրում է․ «Ազգային ժողովն իր աշխատանքները սկսելու է սեպտեմբերից. այժմ արձակուրդային շրջան է, եւ արդեն մեծ թվով նախագծեր կան, որոնք պետք է քննարկվեն նստաշրջանի մեկնարկին: Այդ նախագծերի մեջ հետաքրքրություն է ներկայացնում հատկապես «Հանրային ծառայության մասին» եւ հարակից այլ օրենքներում փոփոխություններ եւ լրացումներ կատարելու մասին ՀՀ օրենքների նախագծերի փաթեթը: Այն վերաբերում է պաշտոնատար անձանց կողմից հայտարարագրեր ներկայացնելուն, եւ այդ առումով ուշագրավ փոփոխություններ են տեղի ունեցել:

Մասնավորապես, նախագծով առաջարկվում է վերանայել հայտարարատու պաշտոնատար անձանց ցանկը, եւ այսուհետ հայտարարագրման պարտականություն կսահմանվի նաեւ 15 հազար եւ ավելի բնակչություն ունեցող համայնքի ավագանու անդամների համար: Բացի այդ, առաջարկվում է տարանջատել հայտարարագրման ենթակա եկամուտների որոշ տեսակներ, օրինակ՝ ստացված վարկերը եւ փոխառությունները: Կարեւոր փոփոխություններից մեկն այն է, որ պաշտոնատար անձի պաշտոնական պարտականությունների դադարեցումից հետո անգամ, ըստ օրենքի, հաջորդող 2 տարվա ընթացքում Կոռուպցիայի կանխարգելման հանձնաժողովը հնարավորություն կունենա անձից գույքի եւ եկամուտների իրավիճակային հայտարարագիր պահանջելու»:

Նյութն ամբողջությամբ կարդացեք «Ժողովուրդ» թերթում։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

հայտարարագիր | ԱԺ | պաշտոնյաներ | փոփոխություններ

Դիտել նաև

Մամուլի տեսություն 12 04 2024

ՔՊ նիստը երեկ ԱԺ-ի «պատճառով» չեղարկվել է. «Ժողովուրդ»

Բանն այն է, որ երեկ Նիկոլ Փաշինյանը, նախարարներն ու պատգամավորներն ԱԺ-ում Կառավարության ծրագրի 2023թ. կատարողականի մասին զեկույցը եւ օրակարգային այլ նախագծեր են քննարկել մինչեւ երեկո՝ 20։00-ն