Ադրբեջանը իրականացնում է մշակութային հերթական ցեղասպանությունը․ ակցիա ՄԱԿ-ի մոտ

ՄԱԿ-ի հայաստանյան գրասենակի առջև ՀՅԴ «Նիկոլ Աղբալյան» ուսանողական միության անդամները բողոքի  ակցիա են անում։

«Արցախի Հանրապետության օկուպացված տարածքներում գտնվող հազարավոր պատմամշակութային հուշարձանների հայկական ինքնությունը վտանգված է։ Ադրբեջանի կողմից պետական մակարդակով և լայն թափով իրականացվում է մշակութային հերթական ցեղասպանությունը։ Այդ ուղղությամբ հայկական երկու հանրապետությունների իշխանությունների կողմից որևէ առարկայական քայլեր չեն ձեռնարկվում։ Արցախը հայությանն է և հայությունն ինքը պետք է հետամուտ լինի Արցախի հայկականության պահպանման գործում։

Սիրելի՛ հայրենակիցներ, Պահպանելու համար մեր բազմադարյա մշակութային ժառանգությունը, հիմնվելով միջազգային իրավունքի հիմնարար նորմերի վրա, անհրաժեշտ ենք համարում անհապաղ քայլեր ձեռնարկել՝ հրավիրելու մասնագիտացված կազմակերպությունների ուշադրությունը մշակութային ցեղասպանության վրա։ Ելնելով վերոնշալ համոզումներից, սկսում ենք թշնամու կողմից օկուպացված տարածքներում գտնվող պատմամշակութային հայկական ժառանգության պահպանման պահանջով ձեռնարկումների շարք»,-ասված է ՀՅԴ-ական երիտասարդների տարածած հայտարարության մեջ։

Առաջարկում ենք հետևել ուղիղ հեռարձակմանը։