01  06  2019

Ռոբերտ Քոչարյանի փաստաբան Հայկ Ալումյանի մամուլի ասուլիսը․ ՈւՂԻՂ



ՀՀ երկրորդ նախագահ Ռոբերտ Քոչարյանի դատական գործի, վերջին զարգացումների մասին ասուլիսի են հրավիրել նախագահի փաստաբանները։

Մամուլի ասուլիսն առաջարկում ենք դիտել ուղիղ հեռարձակմամբ։ Ստորև ներկայացնում ենք փաստաբան Հայկ Ալումյանի որոշ մտքեր:

Ռոբերտ Քոչարյանի ազատ արձակվելուն ի պատասխան ՀՀ վարչապետն, իսկ այնուհետ նաև ԱԺ-ում մեծամասնություն կազմող քաղաքական ուժի պատգամավորներն, ուղղակի կոչ արեցին ճնշում գործադրել դատական համակարգի վրա:

Սա շատ պարզ մեսիջ էր վերաքննիչ դատարանին, և ապագայում նաև պարոն Քոչարյանի գործի հետ առնչություն ունեցող բոլոր դատավորներին, թե ինչ տեղի կունենա, եթե երբևիցե նրանցից որևէ մեկը կհամարձակվի Ռոբերտ Քոչարյանի վերաբերյալ կայացնել այնպիսի որոշում, որը վարչապետի կամ ԱԺ-ում մեծամասնություն կազմող ուժի ուզածով չի լինի:

Սա ամենաբիրտ ճնշումն էր իշխանական երկու ճյուղերի կողմից իշխանական երրորդ ճյուղի նկատմամբ։

Սա աննախադեպ երևույթ էր և այս երևույթն ուղղակի ոչ լեգիտիմ դարձրեց հետագայում կայացված ցանկացած դատական ակտ, որը կլինի պարոն Քոչարյանի դեմ։ Ցանկացած դատական ակտ, որը կայացված կլինի այս ճնշման տակ, ի սկզբանե ոչ լեգիտիմ է:

Մեզ համար ուղղակի տարօրինակ էր, որ երկու բողոքներն են հայտնվեցին միևնույն դատավորի մոտ, ով մշտապես վարկանիշով ամենացածրն է եղել, որը նաև հայտնի է որպես դատախազության կամքը կատարող դատավոր:

Մենք երկուշաբթի դիմելու ենք վերաքննիչ դատարան, որպեսզի բողոքների մակագրման գործընթացից տեղեկություններ իմանանք: Մակագրումը կատարվում է համակարգչով, բայց միջամտման տարբեր մեխանիզմներ կան:

Երբեմն, եթե գործերին միջամտելու անհրաժեշտություն է լինում, բոլոր մնացած դատավորների մուտքերը փակվում են և մնում է ցանկալի դատավորը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ