Հարկային արտոնություններ, «Խելացի քաղաքի» նախագիծ, նոր ՊՈԱԿ-ի ստեղծում, Նաիրիտի վաճառք. Կառավարության նիստը

Մարտի 1-ը կառվարության հերթական նիստի օրն է: Գործադիրի օրակարգում ներառված է 30 հարց, որից 15-ը՝ չզեկուցվող:

Գործադիրը՝

Փոփոխությունների առաջարկներ արեց ՀՀ քրեական օրենսգրքում, «Թվային տեխնոլոգիաների զարգացման մասին», «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին», «Վճարահաշվարկային համակարգերի և վճարահաշվարկային կազմակերպությունների մասին», «Գրավատների և գրավատնային գործունեության մասին», «Արժութային կարգավորման և արժութային վերահսկողության մասին» օրենքներում:

Փոփոխություններ և լրացումներ արեց կառավարության՝ տարբեր տարիներին ընդունված մի շարք որոշումներում:

Հավանություն տվեց փոքր հիդրոէլեկտրակայանների կառուցման և շահագործման համար շրջակա միջավայրի վրա ազդեցության գնահատման չափորոշիչներին:

2018 թվականի հուլիսի 19-ից մինչև հուլիսի 29-ը Երևանում կայանալիք` Հայ մարմնակրթական ընդհանուր միության հիմնադրման 100-ամյակին նվիրված տոնակատարություններին և 11-րդ բանակումներին մասնակցելու նպատակով Հայաստանի Հանրապետություն ժամանող օտարերկրյա քաղաքացիներին որոշեց ազատել մուտքի արտոնագրի տրամադրման համար նախատեսված պետական տուրքի վճարումից:

Ապրանք ներմուծելիս հարկային արտոնություն որոեց տալ «ՀԵԼԼՈ» ՍՊԸ-ին:

Հավանություն տվեց «Խելացի քաղաքի» ստեղծման հայեցակարգին և հայեցակարգից բխող միջոցառումների ժամանակացույցին:

Ստեղծեց «Քրեակատարողական բժշկության կենտրոն» ՊՈԱԿ:

Հավանություն տվեց «Ինժեներական քաղաքի» ստեղծման հայեցակարգին և հայեցակարգից բխող միջոցառումների իրականացման ժամանակացույցին:

Թույլատրեց վաճառել «Նաիրիտ-2»-ը:

Գումար հատկացրեց Շիրակի և Գեղարքունիքի մարզպետարաններին:

Գործադիրի օրակագն ամբողջությամբ այստեղ: 

Նիստն առաջարկվում ենք դիտել ամբողջությամբ: