Մեր խնդիրն է փոխել ՀՀ դիրքը, որի ճանապարհը տնտեսական աճի պոտենցիալի մեծացումն է. Ատոմ Ջանջուղազյան

Մենք գտնվում ենք անորոշության չափազանց մեծ աստիճան ունեցող միջավայրում՝  ոչ միայն կոնկրետ վերջին ռազմական գործողություններով պայմանավորված, այլ մինչ այդ էլ անորոշության աստիճանը չափազանց մեծ էր: ԱԺ Ֆինանսավարկային և բյուջետային հարցերի մշտական հանձնաժողովի նիստի ժամանակ ասաց ՀՀ ֆինանսների նախարար Ատոմ Ջանջուղազյանը:

«Եթե ուշադրություն ենք դարձնում, ապա այս ռազմական գործողություններով պայմանավորված կանխատեսումների վերանայումը մինչ այդ վերանայվածի հետ համեմատած անհամեմատ ավելի փորք կշիռ ունի, որովհետև մեր ցուցանիշներն ապրիլին կանխատեսված և այն ժամանակ արդեն ռիսկային համարվող, վերանայվել էին 2021 թվականի բյուջեի նախագծի համատքստում և ներկայացվել էին արդեն վերանայված կանխատեսումները: Իսկ կոնկրետ ռազմական գործողություններով պայամնավորված վերանայումներն ավելի փոքր կշիռ ունեն: Հետևաբար մենք ներդրել ենք փոփոխության առաջարկի մեջ այն կուտակած գիտելիքի պաշարը, որը ունեցել ենք և այն որոշակիության աստիճանը, որը հնարավոր է այս պահին արձանագրել»:

Նշենք, որ գրավոր առաջարկների բացակայությամբ պայմանավորված ուժի մեջ է մնացել հանձնաժողովի կողմից 1-ին ընթերցմամբ ընդունած դրական եզրակացությունը ՀՀ Ազգային ժողովի 2020 թվականի հոկտեմբերի 7-ին գումարվող արտահերթ նիստի օրակարգում ընդգրկված «Հայաստանի Հանրապետության 2020 թվականի պետական բյուջեի մասին» օրենքում փոփոխություններ և լրացում կատարելու մասին նախագիծը: