25 05 2020

Կորոնավիրուսի թվով 100 հազար բնակչի հաշվով ՀՀ-ն «առաջատար» է նախկին ԽՍՀՄ տարածքում. Հրանտ Բագրատյան

Կորոնավիրուսի թվով 100 հազար բնակչի հաշվով ՀՀ-ն «առաջատար» է նախկին ԽՍՀՄ տարածքում. Հրանտ Բագրատյան

ՀՀ նախկին վարչապետ, տնտեսագետ Հրանտ Բագրատյանը ֆեյսբուքյան իր էջում գրառում է կատարել՝  անդրադառնալով կորոնավիրուսով վարակվածների այսօրվա ռեկորդային ցուցանիշին:

Գրառումն ամբողջությամբ ներկայացնում ենք ստորև.

«Այսօր կորոնավիրուսի դեպքերով ՀՀ-ում ռեկորդ է գրացվել՝ 452 դեպք։ Համարյա այնքան, ինչքան Վրաստանում 3.5 ամսում։ Հատկանշական է, որ դեպքերի բացարձակ թվով անցանք Մոլդովայից։

100000 բնակչի հաշվով ՀՀ-ն «առաջատար» է ինչպես տարածաշրջանում, այնպես էլ նախկին ԽՍՀՄ հանրապետությունների մեջ։ Բացառություն է կազմում միայն Բելառուսը։

Այս երկիրը, ինչպես և Շվեդիան, կարանտինային միջոցառումներ չի իրականացրել։ Արդյունքը սարսափելի է։ Գլխներին են խփում արդեն ուշ է։ ՀՀ-ն իբր թե ԱԴ է մտցրել, նույնիսկ պարետ ունի։

Բայց արի ու տես վիճակը նույնքան վատ է։ Այս տեմպերով մի քանի օրից Բելառուսին էլ կանցնենք»:

Հիշեցնենք, որ Հայաստանում գրանցվել է կորոնավիրուսով վարակվելու 7113 դեպք, մահացել է 87 քաղաքացի: Եվս 39 վարակակիր մահացել է այլ հիվանդությունից:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ