Գլխավոր դատախազը խոստացավ, որ ինքը ևս կմիջնորդի, որ Չարչյանի հարցով հրատապ նիստ հրավիրվի. Բժիշկ

Ես հանդիպեցի գլխավոր դատախազի հետ, նա ուշադիր լսեց ինձ, ներկայացրեցի Արմեն Չարչյանի առողջական վիճակը, նրա մոտ առկա ծանր ախտաբանության բարդությունների մասին: Այս մասին այսօր՝ սեպտեմբերի 15-ին, գլխավոր դատախազության մոտ բժիշկների բողոքի ակցիայի ժամանակ լրագրողների հետ զրույցում նշեց բժիշկ Սամվել Սահակյանը:

«Ես ներկայացրեցի հիվանդության վիճակը, փորձեցի հիմնավորել հիմա քաղաքացիական հիվանդանոցում նրա գտնվելու, բուժման և բուժման արդյունավտության հավանականության կարևորությունը: Նշեցի առանց կալանավորվելու, ազատության մեջ գտնվելով ևս քաղաքացիական հիվանդանոցում բուժման արդյունավետության մասին: Հիմնավորեցի, որ երկորդ դեպքում ավելի մեծ արդյունքների կարելի է հասնել, բուժումն ավելի արդյունավետ է:

Պարոն դատախազն ուշադիր լսեց, հարցեր տվեց, որքանով տեղյակ եմ, փաստաբանի հետ զրույցներից, ներկայացված առողջական վիճակի փոփոխություններից, ինձ հավաստիացրեց, որ իրենց նպատակը չէ Չարչյանին պահել անազատության մեջ: Այսինքն  սա ինքնանպատակ չէ, պարզապես իրավական գործընթացն է այդպես: Ես նորից հիմնավորեցի, որ այստեղ առողջական վիճակի խիստ վատթարացում ունենք»,- ասաց բժիշկը:

Մանրամասն՝ տեսանյութում։