Այցելեցինք կալանքի տակ գտնվող պատգամավոր, բժիշկ Արմեն Չարչյանին, նա ընկճված չէր. Թագուհի Թովմասյան

ԱԺ ՄԻ պաշտպանության և հանրային հարցերի հանձնաժողովի նախագահ, «Պատիվ ունեմ» խմբակցության պատգամավոր Թագուհի Թովմասյանը տեղեկացրել է, որ նախօրեին պատգամավոր Տարոն Մարգարյանի հետ այցելել են «Իզմիրլյան» ԲԿ նախկին տնօրեն, «Հայաստան» խմբակցության պատգամավոր Արմեն Չարչյանին, ով կալանքի տակ է։ Չարչյանի ինքնազգացողությունը երեկ կրկին վատացել էր, նրան տեղափոխել էին քաղաքացիական հիվանդանոց։

«Արմեն Չարչյանը Վարդաշեն քրեակատարողական հիմնարկում չէր: Բժշկի ինքնազգացողությունը վատացել էր, նրան տեղափոխել էին «Նորք-Մարաշ» բժշկական կենտրոն:

Հիվանդանոցում՝ բժշկի սենյակի մոտ, հսկողություն էին իրականացնում համազգեստով 3 երիտասարդներ, մյուսն էլ ներսում էր:

Եվ սա ասում էր մարդ, ում սուր նախաինֆարկտային վիճակով տեղափոխել են հիվանդանոց, և 5 օր է՝ բժիշկները չեն կարողանում կայունացնել վիճակը:

Լիահույս եմ, որ պրոֆեսորը շատ շուտ կկարողանա ապաքինվել և չնայած իր համար ստեղծվող բոլոր արհեստական խոչընդոտներին՝ հասնել իր հիվանդներին»,- ֆեյսբուքյան իր էջում գրել է Թագուհի Թովմասյանը: