Որոշումից հետո կկորցնենք թատերական միավոր․ թատրոնի դերասան

Պետական կամերային երաժշտական թատրոնի ստեղծագործական կազմը բողոքի ակցիա է իրակնացրել  Կառավարության դիմաց․ նրանք դեմ են նախարարության՝ մշակման փուլում գտնվող այն նախագծին, որով նախատեսվում է Պետական կամերային երաժշտական թատրոնը միավորել Հ. Պարոնյանի անվան երաժշտական կոմեդիայի պետական թատրոնի հետ ։ Ի դեպ 2 թատրոնի միավորման դեպքում նախատեսվում է  Պետական կամերային երաժշտական թատրոնի շենքը տրամադրել Հայաստանի պետական սիմֆոնիկ նվագախմբին:

Ակցիայի մասնակիցներից՝ թատրոնի դերասան Արթուր Պետրոսյանը մեր հետ զրույցում նշեց, որ իրենց նպատակն է հանդիպել վարչապետ Փաշինյանի հետ ու ներկայացնել խնդիրն իրապես։ Ըստ մեր զրուցակցի այս պահին թատրոնի գլխավոր ռեժիսորը՝ Սամսոն Ստեփանյանը կամավոր մեկնել է սահման։

 «Երկու թատերական միավորի դնելով անհարմարության մեջ ուզւոմ են լուծել  3-րդ միավորի հարցը, մեր հաշվին ուզում են լուծել սիմֆոնիկ նվագախմբի հարցը։ Մեր թիկունքի հետևից ինչ-որ մասնագիտական խումբ ձևավորվի, որոշում  կայացվի անհասկանալի է», -նշեց թատրոնի դերասան Արթուր Պետրոսյանը։