01 05 2021

Այս «մառդաբոյը» տեղի է ունենում նիկոլական Հայաստանում, որտեղ օրենքի Էլդորադո է. Նաիրա Զոհրաբյան

Այս «մառդաբոյը» տեղի է ունենում նիկոլական Հայաստանում, որտեղ օրենքի Էլդորադո է. Նաիրա Զոհրաբյան

Նաիրա Զոհրաբյանն իր ֆեյսբուքյան էջում գրել է.

«Տաբռի» օրենքներով

Կեսգիշերին Թոխմախի գերեզմանոցում Շենգավիթի և Մալաթիայի թաղապետերի մասնակցությամբ բոյեվիկ թրիլլեր է տեղի ունեցել։ Նիկոլական թաղապետերը ռազմական ողջ արսենալով ներկայացել են գերեզմանոց եւ ժանրի կանոններին համաձայն, X տապանաքարի մատույցներում ավտոմատով, դանակներով ու ինքնաձիգով երեւի քննարկել են մանր ու միջին եղջրավոր անասունների մասին օրենքում փոփոխությունների հույժ հրատապ նախագիծը։

Պատմական դեպքի վավերագիրները լռում են, թե ինչի՞ շուրջ է եղել գլոբալ անհամաձայնությունը, միգուցե այն եղել է այնպիսի ռազմավարական խնդրի շուրջ, որ մանր եղջրավորները պետական դոտացիայով միանգամից համարվեն խոշոր եղջրավոր անասուններ, բայց այս սկզբունքային եւ գաղափարական ռազբորկայի արդյունքում հրազենային վնասվածքներով հիվանդանոց էին տեղափոխվել Շենգավիթ վարչական շրջանի ղեկավար Ռազմիկ Մկրտչյանն ու Մալաթիա-Սեբաստիա վարչական շրջանի ղեկավար Դավիթ Կարապետյանը։

Այս պահին երկուսն էլ հիէանդանոցից դուրս են գրվել։

Հա, չմոռանանք, որ այս «մառդաբոյը» տեղի է ունենում նիկոլական Հայաստանում, որտեղ, ըստ պաշտոնական վիճակագրության, այլեւս օրենքի Էլդորադո է։

Հիմա մնում է, որ գտնվի Երեւանի քաղաքապետն ու հասկանանք՝ իր հետհեղափոխական դուխը հերիքելո՞ւ է ավտոմատներով ռազբորկա արած թաղապետերին գործից հանելու, թե՞ քիչ անց ոստիկանությունը հայտարարություն կտարածի ու կպարզվի, որ սույն հեղափոխական թաղապետերի մեջ հանցավոր անզգուշության պատճառով մտել էր նախկին հանցավորների հոգին ու թոխմախցի Վարսիկ տոտայի մոմաթափության ծեսից հետո ամեն ինչ կրկին հեղափոխական «լադի» մեջ է։

Ի դեպ, Շենգավիթի թաղապետի «պարզաբանումից» ակնհայտ է դառնում, որ Նիկոլը որոշել է ավտոմատներով բոյեվիկը կոծկել։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ