05 04 2021

Արծրուն Հովհաննիսյանն ազատվել է պաշտոնից. armlur.am

Արծրուն Հովհաննիսյանն ազատվել է պաշտոնից. armlur.am

Ուշագրավ իրավիճակ է Պաշտպանության նախարարությունում: ArmLur.am-ի տեղեկություններով` քիչ առաջ պաշտոնից ազատվել է ՊՆ ներկայացուցիչ Արծրուն Հովհաննիսյանը: Մեզ հասած լուրերի համաձայն, նա աշխատանքից ազատման զեկուցագիր է ներկայացրել, ինչն էլ ՊՆ ղեկավար կազմը ստորագրել է:

Ըստ ArmLur.am-ին  հասած լուրերի՝ Պն-ում խոսակցություններ կան, թե նա առողջական խնդիրների պատճառով է ազատման դիմում գրել: Կայքն արդեն գրել էր, որ Արծրուն Հովհաննիսյանը վիրահատության պետք է ենթարկվի, սակայն ArmLur.am-ի հավաստի տեղեկությունների համաձայն, «շան գլուխը այլ տեղ է թաղված»: Մասնավորապես, ըստ այլ խոսակցությունների՝ Արծրուն Հովհանիսյանը կոնկրետ աշխատանքային խնդիրներ է ունեցել ՊՆ նորանշանակ նախարար Վաղարշակ Հարությունյանի հետ: Ավելին, ըստ կայքին հասած լուրերի, ՊՆ աշխատակազմում շատերը խնդիրներ ունեն նախարարի հետ, որոնց լրատվամիջոցը կանդրադառնա առաջիկայում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ