Էլի դեպքեր կան, որ երեխան հայտնվել է Ռազմականում ու անհետացել է․ ի՞նչ են արել մեր երեխեքին․ զոհվածի ծնող

«Ես չգիտեմ՝ էլ ումից ինչ սպասելիք ունենամ, վեց ամիս է որևէ մարդ իմ սպասելիքները չի արդարացրել: Տվել եմ բանակին թագավոր տղա ու այդ բանակը տարել, կորցրել է իմ երեխային»,- լրագրողներին ասաց անհետ կորած զինծառայող Դավիթ Ասոյանի մայրը՝ Լիլիթ Զուռնաչյանը:

Նշենք, որ անհետ կորած և զոհված զինծառայողների ծնողներն այսօր Ազգային ժողովում հանդիպել են  պատգամավոր Թագուհի Թովմասյանին՝ փորձելով տեղեկատվություն ստանալ իրենց որդիների զոհվելու, անհետ կորելու դեպքերով հարուցված քրեական գործերի ընթացքի մասին:

Նա նշեց, որ իր երեխային կորցրել են. «Հոկտեմբերի 20–ին հեռուստացույցով հայտարարեցին, որ Դավիթ Ասոյանին մեդալով պարգևատրել են, նախարարությունից ճշտել ենք, որ իմ երեխան է ու երեխայիցս ոչ մի լուր չունենք։ Կամավորը զենքը  հանձնելուց երեխայիս տեսել է, ծանոթների միջոցով ինձ հասել է, որ իմ երեխայիս ամսի 12–ին Ռազմականում տեսել են: Ուր տարան երեխային և ինչ արեցին՝ չգիտեմ: Էլի դեպքեր կան, որ երեխան հայտնվել է Ռազմականում ու անհետացել է: Ափսոս մեր երեխեքին»:

Մանրամասն՝ տեսանյութում։