09 12 2020

Սակրավորները Ստեփանակերտում ավելի քան 15 հազար զինամթերք են հայտնաբերել

Լեռնային Ղարաբաղում զինված հակամարտության ավարտից մի քանի շաբաթ անց սակրավորները Ստեփանակերտում և նրա շրջակայքում հայտնաբերել են ավելի քան 15 հազար զինամթերք, «ՌԻԱ Նովոստի»-ին հայտնել է Արցախի հումանիտար ականազերծման կենտրոնի տնօրեն Սամվել Մեսրոպյանը։

«Ավելի քան 15 հազար զինամթերք է հայտնաբերվել, և դա միայն Ստեփանակերտում և նրա ծայրամասում։ Աշխատել են Արցախի հումանիտար ականազերծման կենտրոնը և խաղաղապահ ուժերի ականազերծման կենտրոնը։ Մեզ հենց նոր միացան ԱԻՆ սակրավորները, այսօր առաջին օրն է։ Բայց խաղաղապահների հետ մենք վաղուց ենք աշխատում, երևի՝ 10-12 օր»,- ասել է Մեսրոպյանը։

Նա նաև նշել է, որ ականազերծման աշխատանքները սկսվել են հենց Ստեփանակերտից, քանի որ մարդկանց հոսքը մայրաքաղաք համեմատաբար մեծ է։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

սակրավորներ | Ստեփանակերտ | զինամթերք | Ականազերծման աշխատանքներ

Դիտել նաև

Մշակույթ 23 02 2024

Ադրբեջանը պետական մակարդակով ոչնչացնում է Արցախի մշակութային ժառանգությունը

Ադրբեջանի մշակութային ցեղասպանության հերթական զոհը՝ Ստեփանակերտի «Անդրանիկ» փողոցում տեղադրված քանդակները