Ազատության հրապարակում մինչև 40 հազար մարդ է հավաքվում. Հովհաննես Վարյան

Այս օրերին Ազատության հրապարակում հարահավաքի մասնակիցների  թիվը  երբեմն հասնում է մինչև 40 հազարի:  

Սա նախկին փոխոստիկանապետ Հովհաննես Վարյանի վերլուծությունն է՝  հիմնված նախկինում իր գործունեության օրոք հանրահավաքների թիվը վերադասին ներկայացնելու հաշվարկների բանաձևի վրա:

«Ճիշտ է,  այս օրերին չեմ մասնակցել Ազատության հրապարակում անցկացվող ցույցերին,իսկ  կադրերով  հնարավոր չէ պատկերացում կազմել որքան մասնակից է դուրս ելել բողոքի,  բայց դրա համար կա հստակ բանաձև՝ մեկ քառակուսի մետր հատվածում կանգնում են 3-4 մարդ»,-YerevanToday-ին պարզաբանում է նախկին փոխոստիկանապետը՝ ըստ էության հակադարձելով իշխանական պատգամավորներին:

ՀԻշեցնենք, երեկ վարչապետ Փաշինյանի թիմակից որոշ պատգամավորներ  հայտարարել էին, թե վարչապետի հրաժարականը չի հնչի, քանի որ այդ պահանջով ցույցի է դուրս ելել ընդամենը 3000-5000 քաղաքացի, մինչդեռ նախկին փոխոստիկնաապետի խոսքով սոսկ հանրահավաքի մասնակիցների քանակը տասնապատիկ շատ է:

«Ձեզ ասյպես նկարագրեմ՝ կողք կողքի խիտ կանգնած մարդկանցով՝ Ազատության հրապարակում ողջ մակերեսով՝ 30-40 հազար մարդ է հավաքվում:

 Սա այն դեպքն է երբ նրանց արանքով ելումուտը բարդ է: Իսկ հիմա ձմեռ է,  մարդիկ տաք են հագնված, սա նշանակում է 1 քմ մակերեսին 4-ի փոխարեն 3 անձ է կանգնած, բայց մյուս կողմից  ցրտի պատճառով մարդիկ խցկված են կանգնում այնպես, որպեսզի չմրսեն»-ասում է նախկին փոխոստիկանապետը՝ ընդգծելով, որ մասնակիցների քանակի տատանումները  միայն տեղումն ներկա գտնվողը կհասկանան:  Բայց այս դեպքում էլ խորհգուրդ է տալիս չմոռանալ հրապարակում ավելացված մակերեսի մասին:

«Այսօր չկան օպերայի բակում սփռված նախկին սրճարանները, դրանք այլևս քանդված են, կանաչ գոտու են վերածվել: Դա նշանակում է, որ մասնակիցները կանգնում են նաև նախկին սրճարանների տեղերում:  Բացի այդ,  իմ տված հաշվարկում հաշվի չէր առնվել բեմին խիտ խմբերով կանգնած մասնակիցների թիվը, չէ՞ որ մեծաթիվ մարդիկ նաև բեմին ու աստիճաններին են կնգնում են՝ իբրև ելույթ ունեցողներին պատսպարելու համար:Այսօրվա տեխնիկական հնարավորություններն են ուրիշ, մարդիկ օնլայն միտինգներին հետևելու հնարավորություն ունեն, հեռախոսներով՝  սրճարաններից են դիտում,  տարբեր վայրերից, և սրանք ռեսուրսներ են:  Հետևաբար գբնահատել ռեալ սեգմենտի թիվը, դժվար կլինի, բոլոր հանգամանքներն հաշվի առնելու համար այլ գործիքակազմ է պետք»,-ասաց Հովհաննես Վարյանը:

Սյուզի Բադոյան