Նախկիններից են խոսում, նրանք մեզ հայրենիք են տվել, հիմա դավաճանը դո՞ւք եք, թե նախկինները․ պատերազմի մասնակից

Ես անձամբ եղել եմ Մարտակերտի շրջանում, որտեղ վիրավորվել եմ: Հիվանդանոցում պառկած մեկ էլ տեսնում եմ, որ հետ են տվել: Ո՞վ են սրանք: Մենք կռվում ենք, իրանք հող են տալի՞ս: Այս մասին Ազատության հրապարակում հայտարարեց պատերազմի մասնակից Արթուր Բեգլարյանը:

«Բայց իրենք Ղարաբաղի համար մի բան արած կա՞ն 30 տարվա մեջ չկան: Նախկիններից են խոսում, նրանք մեզ հայրենիք են տվել, որտեղ ապրում էինք: Հիմա դավաճանը դո՞ւք եք, թե նախկինները։ Ինչի՞ եք սաղ քցում զինվորների վրա, սաղ էլ կռվել են: Շուշին պահում էին, Քարինտակը պահում էին, տեսել ենք:  ով որ խուսում ա, դուք եք սովորեցնում»,-ասաց նա:

Պատերազմի մասնակիցը նշեց, որ շատերն են հերթագրվել սակայն նրանց չեն տարել․ «Հիմա ասում են, թե զորք չի եղել։ Ասում եք, որովհետև դավաճաններ եք: Շատերն ասում են, որ ղարաբաղցիները պետք է գնան Ղարաբաղ, ինչի են եկել Երևան: Կնոջս տունը Քարինտակում է, ես իրա տունը տալիս եմ ձեզ, գնացեք ապրեք: Շուշիում տուն ունեմ, ձրի տալիս եմ, գնացեք ապրեք: Գնացեք Ստեփանակերտ, որտեղ սնայպերը ցանկացած վախտ կարա խփի: Կարա՞ք ձեր երեխաներին ասեք՝ խաղացեք, չեք կարա, ուրեմն մի խոսացեք»,-ասաց նա: