12 07 2020

ՀՀ ԶՈւ գործողության արդյունքում ադրբեջանցի երկու զինծառայող է զոհվել

ՀՀ ԶՈւ գործողության արդյունքում ադրբեջանցի երկու զինծառայող է զոհվել

Ադրբեջանցի երկու զինծառայող է զոհվել, հինգը վիրավորվել են սահմանային միջադեպի հետևանքով։ Այդ մասին հաղորդում է Ադրբեջանի պաշտպանության նախարարությունը։

Հիշեցնենք, այսօր ՀՀ ՊՆ հայտարարեց, որ 12:30-ի սահմաններում Ադրբեջանի զինված ուժերի զինծառայողները ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել:

Ըստ ՀՀ ՊՆ հաղորդագրության, հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել:

Հայկական կողմից կորուստներ չկան:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ