Վարդենիսում սահմանափակումները երկարաձգվում են

ՀՀ պարետ, փոխվարչապետ Տիգրան Ավինյանի որոշմամբ՝ Վարդենիս համայնքում գործող ելքի և մուտքի սահմանափակումները երկարաձգվում են մինչև մայիսի 3–ը, ժամը 23։56։

Այս մասին տեղեկանում ենք ՀՀ կառավարության պաշտոնական կայքից։

Որոշման մեջ ասվում է. 

«Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի թիվ 298-Ն որոշման հավելվածի 7-րդ կետով՝

 1. Պարետի՝ 2020 թվականի ապրիլի 21-ի N 48 որոշման մեջ կատարել հետևյալ փոփոխությունները.

1) Որոշման 3-րդ կետը խմբագրել հետևյալ բովանդակությամբ՝ «Սույն որոշումն ուժի մեջ է մտնում հրապարակման պահից և գործում է մինչև 2020 թվականի մայիսի 3-ը՝ ժամը 23։59-ը»:

 2. Սույն որոշումն ուժի մեջ է մտնում հրապարակման պահից»: