Հղիության թեսթերի արդյունքները

Քանի որ վարչապետ Փաշինյանն իրեն հռչակել է երկրի գլխավոր բժիշկ, գերագույն գլխավոր վիրուսոլոգ, գեներալիսիմուս համաճարակաբան, ամենայն հայոց թեսթոլոգ և անձամբ է հնչեցնում թեսթերի արդյունքները, քանակները և մյուս ցուցանիշները, ապա չի բացառվում, որ կորոնավիրուսի հանդարտեցումից հետո, տեմպի տակ, շարունակի իր սիրած գործը, կատարելագործվի նոր մասնագիտության մեջ և սկսի անձամբ ներկայացնել այլ, ասենք՝ հղիության թեսթերի արդյունքները։

Մասիվցի Վարդուշ՝ բացասական

Չարբախցի Սյուզի՝ դրական, թեթև սրտխառնոցով

Չարենցավանցի Աղուն՝ դրական, անցանկալի

Էջմիածնում միանգամից 10 դրական, բոլորն էլ՝ հարսանիքներից հետո

Ապարանցի Ծովինար՝ բացասական, տեխնիկական սխալ, շփոթել են ամուսինների մեզերը։

Երևանում արձանագրվել է 14 հղիություն, ճշտվում են շփման շրջանակները։ Պոտենցիալ հավակնորդները մեկուսացվում են։

Իտալիայից ժամանած կանանց հղիության թեսթերի արդյունքները, ընտանեկան էթիկայից ելնելով, չեն հրապարակվում, դրանք կքննարկվեն կառավարության փակ նիստում։ Կառավարության նիստում վարչապետը վստահեցրեց, որ երկրում կան բավարար քանակի հղիության թեսթեր, և խուճապի կարիք չկա։ Սահմանվեց 9-ամսյա կարանտին։ Պարետ Ավինյանի ճշգրտումից հետո, թե տղամարդկանց պարտադիր թեսթավորման կարիք չկա, վարչապետը առարկեց՝ «ուվերեննի» մի ասա։ Հաջորդ առավոտյան մի խումբ մոլի արական սեռի փաշինյանականներ ընդդեմ Ավինյանի ցուցադրական թեսթեր արեցին։ Ուշ երեկոյան Վարչապետը անձամբ շրջայց է կատարում դեղատներում՝ ստուգելու կոնտրացեպցիայի միջոցների առկայությունը, տեսականին։

«Իմ Ձայնը» նախագիծ Առողջապահական հումորի բաժին