Հայրենադարձներն իրենց իրերը կարող են բերել առանց մաքսատուրքի․ նոր որոշում

Կառավարությունը հավանություն տվեց «Մաքսային կարգավորման մասին» օրենքի փոփոխուևթյուններին, որը վերաբերում է մշտական բնակության Հայաստան վերադարձող հայերին:

Խոսքը վերաբերում է Հայաստան վերադարձող քաղաքացիների անձնական գույքը առանց մաքսային վճարումների Հայաստան մտցնելուն. «Հիմա ավելի լավ պայմաններ ենք ստեղծում, որ ավելի շատ գույք կարողանան իրեց հետ բերել Հայաստան»,- նշեց վարչապետը։

ՊԵԿ նախագահ Դավիթ Անանյանը նշեց, որ հիմնական խոչնդոտն այն է, որ անձը վերջին 5 տարվա ընթացքում յուրաքանչյուր տարվա ընթացքում 180 եւ ավելի օր պետք է ՀՀ-ում գտնված չլիներ, որ մաքսատուրքից ազատման արտոնությունը կիրառվեր, որպեսզի իր անձնական օգտագործման ապրանքները ազատվեն մաքսատուրքից:

«Հիմա նորմը փոխում ենք այսպես, որ 5 տարվա ընթացքում (1825 օր), եթե 915 օր ինքը չի գտնվել ՀՀ-ում»,-ասաց նա:

Վարչապետի հարցին, թե անձը ի՞նչ կարող է իր հետ բերել, Անանյանը պատասխանեց. «Կենցաղային եւ անձնական օգտագործման օգտագործած սարքեր՝ յուրաքանչյուր տեսակից 3-ական հատ, այսինքն երեք սառնարան, երեք հեռուստացույց: Ընդ որում, եթե գալիս են 3 հոգանոց ընտանիքով, ապա 9 հեռուստացույց: Յուրաքանչյուր անձ կարող է բերել մեկ ավտոմեքենա:

Կարեւոր է, որ քաղաքացիության նորմը չենք դնում, կարեւոր է, որ անձը գալիս է մշտական բնակություն հաստատելու:

Եթե անձը Հայաստան գալուց հետո չի ստանում ՀՀ քաղաքացիություն կամ մերժվում է, ապա այդ արտոնություններից չի օգտվում եւ պետք է մաքսատուրքը վճար:»:

Այս արտոնությունից կարող են օգտվել Հայաստան մշտական բնակության եկողները, եթե համապատասխան մարմիններում ճանաչվել են որպես այդպիսին, երկրորդը՝ փախստականի կարգավիճակ եւ հարկադիր տեղահանվածի կարգավիճակ ունեցողը»: