«Նաիրի ինշուրանս»-ը կկազմակերպի վերապատրաստման ծրագիր ՊԵԿ կրճատված աշխատակիցների համար

«Նաիրի Ինշուրանս» ապահովագրական ընկերությունը հայտարարում է վերապատրաստման նոր ծրագրի մասին՝ Պետական եկամուտների կոմիտեում աշխատանքային փորձ ունեցող մասնագետների համար:

Ընկերությունում նշել են, որ դասընթացի մեթոդիկան մշակված է հատուկ ՊԵԿ աշխատակից հանդիսացած անձանց մասնագիտական հմտություններին համապատասխան:

Դասընթացն անցնելուց հետո մասնակիցները կկարողանան ձեռք բերել ապահովագրական գործակալի (խորհրդատուի) մասնագիտություն:

Վերապատրաստման ծրագիրը ներառում է հետևյալ թեմաները՝

- Ինչպես դառնալ ապահովագրական գործակալ՝ օգտագործելով ձեր նախորդ աշխատանքային փորձը,

- Ինչպես գումար վաստակել գործակալական խորհրդատվությամբ,

- Ինչպես գումար վաստակել ապահովագրության պայմանագրերի կնքման կազմակերպմամբ,

- Ապահովագրական գործակալի գործառույթներն՝ ըստ գործող օրենսդրության:

Ուսուցումն ամբողջությամբ ֆինանսավորում է «Նաիրի Ինշուրանս»-ը։

Դասընթացին մասնակցության գրանցումը սկսվում է փետրվարի 1-ից։

Մասնակիցների քանակը սահմանափակ է։

Գրանցվելու համար անհրաժեշտ է անուն, ազգանուն և հեռախոսահամար ուղարկել [email protected] հասցեին՝ նամակը վերնագրելով «Վերապատրաստման դասընթաց»:

«Նաիրի Ինշուրանս» Ապահովագրական ՍՊԸ-ն հանդիսանում է Հայաստանի առաջատար ապահովագրական ընկերություններից մեկը, ապահովագրական շուկայում գործում է արդեն 22 տարի և ունի ավելի քան 200.000 հաճախորդ: