02 12 2018

Ամպերից էլ վեր չինական քաղաքը․ լուսանկարներ, տեսանյութ

Ամպերից էլ վեր չինական քաղաքը․ լուսանկարներ, տեսանյութ

Անօդաչու թռչող սարքը 400 մ բարձրությունից նկարահանել է դիտարժան պատկեր՝ չինական քաղաքը՝ ամբողջությամբ խիտ մառախուղի շերտով ծածկված։ Այս մասին գրում է Daily Mail-ը։

Ինչպես նշվում է, կադրերն առավել տպավորիչ են դարձնում մառախուղի սպիտակ վերմակից դուրս ցցված երկնաքերերի վերին հարկերը:

Տեսանյութում ներկայացված է Նանկին քաղաքը, որի բնակչությունը 8 միլիոնից ավելի է: Ըստ մասնագետների՝ սա ընթացիկ տարվա մեջ Նանկինում ամենախիտ մառախուղի դեպքն էր, որի հետևանքով չեղարկվել են բազմաթիվ չվերթներ, տեսանելիությունը նվազել է մինչև 50 մ:

Մառախուղի տակ հայտնված քաղաքի տեսանյութը լայն տարածում է գտել սոցցանցերում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ