ՖՄԿ 17-րդ գագաթաժողովին նվիրված մամուլի ասուլիս

Հայաստանում հոկտեմբերի 7-12-ը տիրելու է ֆրանկոֆոն մթնոլորտ: Հոկտեմբերի 7-ին տեղի կունենա Ֆրանկոֆոնիայի մշտական խորհրդի 105-րդ նիստը:

Հոկտեմբերի 8-9-ին տեղի կունենա Ֆրանկոֆոնիայի նախարարական 35-րդ նիստը, որը անդամ երկրների ԱԳ նախարարներից բաղկացած ատյան է:

Հոկտեմբերի 9-ին ժամը 17:00-ին Ազատության հրապարակում տեղի կունենա Ֆրանկոֆոնիայի ավանի բացման արարողությունը:

Հոկտեմբերի 10-ին Թումոյում կանցկացվի  Ֆրանկոֆոնիայի տնտեսական ֆորումը՝ ՀՀ նախագահ Արմեն Սարգսյանի բարձր հովանու ներքո:

Հոկտեմբերի 11-ին կմեկնարկի բուն գագաթաժողովը:

Հոկտեմբերի 11-ին երեկոյան ժամը 19.30 Հանրապետության Հրապարակում տեղի կունենա Ֆրանկոֆոն գալա համերգը համաշխարհային ճանաչում ունեցող երգիչների մասնակցությամբ:

Հոկտեմբերի 12-ին կավարտվեն գագաթնաժողովի աշխատանքները:

Առաջին անգամ Ֆրանկոֆոնիա միջազգային կառույցի (ՖՄԿ) շրջանակում նախատեսվելու է բիզնես ֆորում:

Ընդհանուր միջոցառումներին մասնակցելու համար Հայաստան է ժամանելու ավելի քան 3500 ներկայացուցիչ, այդ թվում, պաշտոնական պատվիրակություններ, գործարարներ արվեստագետներ, լրագրողներ։

Ֆրանկոֆոնիայի գագաթնաժողովին կմասնակցեն 26 պետության ղեկավարներ: Իրենց մասնակցությունն են հաստատել երկու փոխնախագահներ, Մոնակոյի արքայազնը, 9 վարչապետ, 3 փոխվարչապետ: