Ինգուշեթիայում ցույցի վայր են բերվել ՌԴ ազգային գվարդիայի ուժեր

Ինգուշեթիայի Սունժա քաղաքում բողոքի ակցիա է տեղի ունեցել Չեչնիային Սունժայի շրջանի հողերը փոխանցելու դեմ: Ակցիային մասնակցել է մի քանի տասնյակ մարդ։ Սունժայի մշակույթի տան շենքի մոտ է հավաքվել մոտ 50 տղամարդ: Այս մասին գրել է «Кавказский узел»-ը:

Անհանգստությունները սկսվել են շրջանի ղեկավար Իսա Խաշագուլգովի հեռանալու մասին լուրերից հետո: Պաշտոնյան նշել է, որ հրաժարական է տվել, սակայն ակտիվիստների կարծիքով՝ դա կապված է շրջանի մի մասը Չեչնիային փոխանցելու հետ:

Ինգուշեթիայի ՆԳՆ-ն զգուշացրել է, որ կխոչընդոտի չարտոնված զանգվածային միջոցառումների անցկացման փորձերը: «Կազմակերպիչները և մասնակիցները կենթարկվեն պատասխանատվության»,- նշել են նախարարությունում:

Ինգուշեթիայի մայրաքաղաք Մագաս են բերվել ՌԴ ազգային գվարդիայի զորքերի դաշնային ծառայության ստորաբաժանումներ: Բացի այդ, ոստիկանական կետերն ուժեղացվել, են և լրացուցիչ ուժեր են կենտրոնացվել։

Сегодня на улицы вышли несколько сотен человек. Накануне протестовали более 500, некоторых задержали. Ночью в #Магас вводили допсилы полиции и военных. Дорога в город перекрыта. Люди оставляют машины на дороге и идут пешком к месту митинга. #Ингушетия https://t.co/SVORNW2ETh pic.twitter.com/61blxWiAi1

— Activatica (@Activatica) 26 сентября 2018 г.