16 08 2024

Վարագավանի գյուղապետարանում հարձակվել ու ծեծի են ենթարկել գյուղապետին

Երեկ՝ օգոստոսի 15-ին, ՀՀ Ներքին գործերի նախարարության ոստիկանության Տավուշի մարզային վարչությունում և ոստիկանության Տավուշի բաժնում օպերատիվ տեղեկություններ են ստացվել, որ Վարագավան բնակավայրի ղեկավարի աշխատասենյակում ծեծկռտուք է տեղի ունեցել։

Ինչպես հայտնում է shamshyan.com-ը,պարզվել է, որ ժամը 16։30-ի սահմաններում Տավուշի մարզի բնակիչներ 28-ամյա Կալին Մանուչարյանը 28-ամյա Դավիթ Կարապետյանի հետ միասին գնացել են Վարագավան բնակավայրի վարչական ղեկավար 42-ամյա Արմեն Աբրահամյանի աշխատավայր, մտել նրա աշխատասենյակ, սակայն կենցաղային հարցերի շուրջ զրույցը Կ․ Մանուչարյանի ու վարչական ղեկավարի միջև վերածվել է վիճաբանության, որի ժամանակ Կ․ Մանուչարյանը հայտնել է, որ գյուղի տերերը իրենք են ու սկսել է հայհոյանքներ հնչեցնել Ա․ Աբրահամյանի հասցեին, հարձակվել նրա վրա և հարվածներ հասցրել դեմքին՝ պատճառելով մարմնական վնասվածքներ, ապա դիմել փախուստի։

Արդեն վիրավոր վիճակում Ա․ Աբրահամյանն իր վարած «ՎԱԶ 2121» մակնիշի ավտոմեքենայով դեպի Վարագավանի միջնակարգ դպրոցի ուղղությամբ հետապնդել է նրան, սակայն դպրոցին հարակից տարածքում նրա ճանապարհը «Mercedes» մակնիշի ավտոմեքենայով փակել են Տավուշի մարզի բնակիչ 37-ամյա Կարեն Միրզոյանը և Կ․ Մանուչարյանի հորեղբայրը, Տավուշի մարզի բնակիչ 56-ամյա Արամ Մանուչարյանը, ով ուղևորի նստատեղից իջել է ձեռքին ունենալով ինքնաձիք, սկսել է հայհոյանքներ հնչեցնել Վարագավանի վարչական ղեկավարի հասցեին, որ կսպանի, ապա մարտական վիճակի է բերել ինքնաձիգը։ Նրանց և Ա․ Աբրահամյանի միջև սկսվել է ծեծկռտուք, որի ընթացքում վարչական շրջանի ղեկավարին հաջողվել է Ա․ Մանուչարյանի ձեռքից խլել ինքնաձիգը, որից հետո Ա․ Մանուչարյանը դանակով փորձել է հարվածել Ա․ Աբրահամյանին, ինչը նրան չի հաջողվել։ Կ․ Միրզոյանը «Mercedes»-ով դիմել է փախուստի։

Դեպքի փաստով նախաձեռնվել է քրեական վարույթ։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Վարագավան | գյուղապետ

Դիտել նաև

Հասարակություն 11 10 2022

ՔՊ-ական գյուղապետը զոհերի հիշատակին բյուջեից 1,7 միլիոնանոց խաչքար է պատվիրել, բայց իր անունն է փորագրել վրան

Գեղանիստի բնակիչներն ուզում են խայտառակ անել ՔՊ-ական նախկին գյուղապետին

Հասարակություն 02 09 2022

Ադրբեջանցիները վառվող անիվներ են գլորել Նորաբակի ուղղությամբ․ 4 օր է՝ հրդեհը չի մարվում․ գյուղապետ. 168.am

Նորաբակ գյուղի հարևանությամբ գտնվող սարերի վրա շուրջ 1.5 տարի դիրքավորված ադրբեջանցի զինված ծառայողները հերթական սադրանքին են դիմել

Հասարակություն 16 11 2021

Էս մարդու նպատակը գյուղապետի աթոռին բազմելն է, ոչ թե գործ անելը․ բյուրականցիները՝ ՔՊ-ական ժպ-ի մասին

Մարզպետարանից էլ չեն գալիս, որովհետև թքած ունեն պետության ու պետականության վրա․ բողոքի ակցիայի մասնակից

Քաղաքական 14 11 2021

24 ժամվա մեջ ադրբեջանցիներն իրենց ուզածը ստացան. Ճակատենի գյուղապետ

20։00-ի սահմաններում թշնամու զինվորների քանակը հասել է 50-ի, կեսը ինժիներական աշխատանքներ էր կատարում, մյուս կեսը հսկում էր անցուդարձը․ Արա Հարությունյան

Հասարակություն 27 07 2021

ժամանակավորապես վերադարձել եմ․ Երասխի գյուղապետը պատմել է իր վիճակի մասին

Երասխի՝ վիրավորում ստացած համայնքապետ գրառում է կատարել

Հասարակություն 20 07 2021

Երասխի գյուղապետը վիրավորվել է

Նրա կյանքին վտանգ չի սպառնում