ՀՀ-ում ԱՄՆ դեսպանն այցելել է Տավուշի մարզ, Ֆրասնիայի դեսպանն էլ եղել է Թեժքար լեռան լանջին

ՀՀ-ում ԱՄՆ դեսպան Քրիստինա Քվինն այցելել է Տավուշի մարզ։ Այս մասին հայտնում են ՀՀ-ում ԱՄՆ դեսպանությունից։

«Տավուշի մարզ կատարած այցի ընթացքում դեսպանն այցելեց 12-13-րդ դարի Գոշավանք վանական համալիր, որտեղ առիթ ունեցավ ծանոթանալ Հայաստանի առաջին օրենսգրքի հեղինակ Մխիթար Գոշի կյանքին ու գործունեությանը։

Դեսպանը նաև այցելեց ԱՄՆ ՄԶԳ-ի հետ գործակցած տնտեսավարողների Դիլիջան խոշորացված համայնքում, մասնավորապես՝ «Հնոց» գաստրո-բակ ու «Ուտելի» հացի փուռ», - ասված է հաղորդագրության մեջ։

ՀՀ-ում Ֆրանսիայի դեսպան Օլիվիե Դըկոտինյին եղել է հայկական տարածքի ռազմավարական կետ հանդիսացող Թեժքար լեռան լանջին, Ադրբեջանի (Նախիջևանի) հետ սահմանում։ Հայտնում են

Հայաստանում Ֆրանսիայի դեսպանությունից:

«Ֆրանսիան հատկապես զգոն է Հայաստանի տարածքային ամբողջականության և 1991 թվականի սահմանների հարգման հարցում, որի մասին կրկին հիշատակվել է Պրահայի հայտարարության մեջ»,- նշված է դեսպանատան տարածած հաղորդագրությունում: