Լաչինի անցակետում ադրբեջանցիներն արցախցուց Արցախի զինանշանով նարդի են հափշտակել

Լաչինի անցակետով Արցախից Հայաստան տեղափոխվող հայից ադրբեջանցիները հափշտակել են նարդի՝ Արցախի պետական զինանշանով։ Տեղեկությունն ու լուսանկարները հրապարակել են ադրբեջանական լրատվամիջոցները։

Արցախցին անցակետն անցնելիս է եղել Կարմիր Խաչի Միջազգային Կոմիտեի (ԿԽՄԿ) աշխատակիցների ուղեկցությամբ։

Ըստ ադրբեջանական լրատվամիջոցների՝ սահմանային ծառայության աշխատակիցները զննել են արցախցու ձեռքի ուղեբեռը, որում էլ գտել են Արցախի զինանշանով նարդու տախտակն ու հափշտակել այն: Ադրբեջանական կողմը կատարվածը համարում է առգրավում,բայց  փաստացի քաղաքացւու անձնական իրը հափշտակում է: