Քանի դեռ ես ԿԸՀ նախագահն եմ, ընտրությունները կլինեն ազատ, արդար, թափնացիկ․ Փաշինյանի թիմակից

«Երևանի ավագանու սեպտեմբերի 17-ի ընտրություններին ընտրողների քանակը հուլիսի 14-ի դրությամբ կազմել է 823 559: Նախորդ ընտրություններում (2018-ի սեպտեմբերի 23-ին) այդ թիվը եղել է 848 հազար է եղել: Ի սկզբանե հրապարակված թիվը եղել է 853 հազար, բայց արդեն սեպտեմբերի 23-ի դրությամբ, քվեարկության օրը,  ընտրական ցուցակներում Երևանի ընտրողների թիվը եղել է 848 հազարից մի փոքր ավելի: Այսինքն անցած 5 տարիներին ընտրողների թիվը նվազել է»,- մամուլի ասուլիսի ժամանակ նշեց ԿԸՀ նախագահ Վահագն Հովակիմյանը: Նրա խոսքով՝ այս պահի դրությամբ դեռևս որևէ քաղաքական ուժ չի առաջադրվել Երևանի ավագանու ընտրություններին։

Վահագն Հովակիմյանը տեղեկացրեց, որ Երևանի ավագանու ընտրությունների քարոզարշավը կսկսվի օգոստոսի 23-ին:

«Օգոստոսի 3-13-ը առաջադրումների փուլն է, 13-18-ը գրանցումների փուլն է, իսկ գրանցման ժամկետի ավարտից հետո 5-րդ օրը սկսվում է նախընտրական քարոզչությունը, դա օգոստոսի 23-ն է»։

Անդրադառնալով ընտրությունների թափանցիկությանը՝  նշեց․ «Ես կարող եմ և ապահովելու եմ, որ Հայաստանում ,քանի դեռ ես ԿԸՀ նախագահն եմ, ընտրությունները լինեն ազատ, արդար, թափնացիկ»։