22 04 2023

Տեղ համայնքում խախտվել են բնակիչների հիմնարար և անքակտելի իրավունքները. ՄԻՊ

ՀՀ մարդու իրավունքների պաշտպան Անահիտ Մանասյանը երեկ՝ ապրիլի 20-ին, ընդունել է Եվրոպայի խորհրդի Մարդու իրավունքների և իրավունքի գերակայության գլխավոր տնօրինության, Թրանսվերսալ մարտահրավերների և բազմակողմ ծրագրերի իրականացման վարչության ղեկավար Տիգրան Կարապետյանի գլխավորած պատվիրակությանը: Այս մասին հայտնում են ՀՀ մարդու իրավունքների պաշտպանի գրասենյակից:

Շնորհավորելով տիկին Մանասյանին՝ ՀՀ մարդու իրավունքների պաշտպանի առաքելությունը ստանձնելու կապակցությամբ, պատվիրակության ղեկավար Տիգրան Կարապետյանը վստահություն է հայտնել, որ թե՛ Մարդու իրավունքների պաշտպանի հաստատության հետ բազմամյա խորը, համակողմանի և արդյունավետ համագործակցությունը, և թե՛ տիկին Մանասյանի հետ տարբեր հանձնառությունների շրջանակում նախորդիվ արդյունավետ համագործակցությունը կնպաստեն երկու հաստատությունների համագործակցության շարունակականության ապահովմանը:

Անահիտ Մանասյանը շնորհակալություն է հայտնել պատվիրակության անդամներին հանդիպման համար՝ ընդգծելով, որ ՀՀ Մարդու իրավունքների պաշտպանի պաշտոնի ստանձնումը մեծ պատասխանատվություն և առաքելություն է՝ ուղղված մարդու իրավունքների և ազատությունների իրացման երաշխավորմանը և պաշտպանության պատշաճ համակարգի կայացմանը:
Պաշտպանն իր խոսքում անդրադարձել է սույն թվականի ապրիլի 14-ին Սյունիքի մարզի Տեղ համայնք իրականացրած այցին, որի նպատակը տեղում իրադրությանը ծանոթանալն ու փաստահավաք աշխատանքների իրականացումն էր։

Պաշտպանը նաև ընդգծել է, որ զինված ընդհարման արդյունքում խախտվել են համայնքի բնակիչների այնպիսի հիմնարար և անքակտելի իրավունքներ, ինչպիսիք են կյանքի, ֆիզիկական և հոգեկան անձեռնմխելիության, կրթության, ազատ տեղաշարժվելու, սեփականության իրավունքները:
Կողմերը անդրադարձել են Եվրոպայի խորհրդի և Մարդու իրավունքների պաշտպանի աշխատակազմի համագործակցության շրջանակում «Մարդու իրավունքները և կանայք Հայաստանի զինված ուժերում» երկու փուլով իրականացված ծրագրին՝ բարձր գնահատելով աշխատանքները, որոնք նպաստել են ինչպես զինված ուժերում մարդու իրավունքների պաշտպանությանն ու խթանմանը, այնպես էլ Մարդու իրավունքների պաշտպանի աշխատակազմի ներկայացուցիչների կարողությունների զարգացմանը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ՄԻՊ Անահիտ Մանասյան | Տեղ համայնք

Դիտել նաև

Հասարակություն 20 01 2024

Ադրբեջшնցիները Տեղ համայնքից գողացած ոչխարները վերադարձրել են

Ադրբեջանցիներն ինչքան ոչխար են տարել, այնքան էլ հետ են բերել

Քաղաքական 12 04 2023

Տեղ համայնքից գրեթե ոչ մի ընտանիք դուրս չի եկել․ Գառնիկ Դանիելյան

Բնակիչները, արդարացիորեն, դժգոհ էին իշխանությունններից՝ թշնամու առաջ իրենց միայնակ և անպաշտպան թողնելու համար․ պատգամավոր

Մամուլի տեսություն 20 07 2022

Ահազանգ՝ Տեղ համայնքից. «Հրապարակ»

Տեղ համայնքում բնակիչներն ամառվա տապին զրկված են խմելու ջրից, լավագույն դեպքում՝ 5 օրը մեկ մի քանի ժամով ջուր են տալիս

Քաղաքական 14 01 2022

Ադրբեջանցիները կարող էին իջնել Գորիս-Տեղ-Ստեփանակերտ մայրուղի, սադրանքի դիմեին ու դա ոչ ֆիքսվեր, ոչ էլ՝ կանխվեր․ Տիգրան Աբրահամյան

Սահմանագծի այդ հատվածում ծառայություն իրականացնող ուժերը պետք է կանխեին հովվի մուտքը վտանգավոր հատված․ պատգամավոր

Հասարակություն 17 10 2021

Սյունիքի մարզի Տեղ համայնքում ՔՊ ներակայցուցիչները մեքենաներով ընտրողներին տանում ու բերում են․ Դանիել Իոաննիսյան

Դանիել Իոաննիսյանն ահազանգում է ՔՊ-ի ներկայացուցիչների կողմից ընտրախախտումների մասին

Քաղաքական 21 07 2021

Ադրբեջանական զինծառայողները հուլիսի 19-ի հանցավոր արարքներով խախտել են Տեղ գյուղի բնակիչների իրավունքները․ ՄԻՊ

Ադրբեջանական զինծառայողները զենքով սպառնացել են Տեղ գյուղի բնակչին, գոռգոռացել ու քաշքշել են վերջինիս